桃園機場 -- 籚竹鄉南崁路 GIANT -- 桃園縣中壢市
日期: 30 July 2011
天氣: 晴
開始/結束騎時間: 1845 to 2245
是日騎行距離: 23km
總騎乘距離: 23km
經過一個半鐘後到達桃園機場, 首要任務係兌換台幣! 1對3.55...出國旅遊特別令人感慨港元的貶值... 之後買了2張台灣大哥大的電話卡, 其中一張申請了 (在購買電話咭後, 我們不禁立刻質疑自己的決定. 因為,台灣大哥大似乎不及中華電訊受歡迎, 一直就只有我們在查詢....) |
Albert 店長的禮物, 物輕情義重
為我們要展開的環島之旅送上祝福!
肚餓時,它準會成為我們的救星 XD
正式出發前跟GIANT 店長 Alert (右2) 合照一張
由於準備好的時候經己是傍晚時份, 本想在附近隨便找一間民宿投宿便算了... 但在興奮的心情驅使下, 我們急不及待想要開始騎車了! 結果, 就這樣, 們從GIANT店外, 正式展開環島之旅 出發時經己是晚上6點半左右了!! 由於我們我們在香港絕大部份時間都走在單車道上, 開始騎車時, 都不太習慣路上無數的車輛 再加上車後背負著的那一堆行理... 此時我感到十分茫然... 管它的, 先到七仔買水吧! |
騎了一會, 發現 GPS 顯示的到達中壢市的路線主要是省道,但不太直接
為節省時間,我們就選了一條小路
它是沿著高鐵高架鐵路下方,方向正直指中壢市,所以跟著它走,應該不會迷路吧!
想不到第一晚騎車就要冒險走小道,真的又興奮又緊張!
騎了差不多十公里時, 已經開始肚餓 我們卻走在偏僻的路上,難免有感不爽 唯有騎快一點~ 黑暗中的一個角落突然閃出白色的耀眼光芒, 令我們眼前一亮 不管現在路走的是否正確,先吃飽才是大道理! 就這樣,我們使出當天之最大勁力朝小食店衝去 |
上次旅行吃過的一間日式燒肉店-原燒
超讚的~~~約定台北慶功時再見吧!
我們終於找到住宿, 洗澡後, 身体雖倦, 但食慾不減
於是我們便走到附近的便利店買了碗麵及一些飲品
經過一整天的奔波, 吃飽後, 我們便想呼呼入睡
但我們還有重要的任務-洗衫...
任務完成後, 便去睡覺了
-------------------------------------------------------------------------------------------------------
-------------------------------------------------------------------------------------------------------
在首天的行程, 經己跟先前訂下的行程有所出入...不過一切事情還算順利
如果在工事上有這樣的事情發生, 將會是一件很嚴重的事啊, 呵!
如果在工事上有這樣的事情發生, 將會是一件很嚴重的事啊, 呵!
看別人的遊記,大部份環島都是在早上開始的,而我們的環島,卻是在晚上展開
在一片陌生的土地上,走在黑暗的環境,展開期待己久的旅程,確是十分難忘的一天
10 則留言:
請問, 你們帶去的單車紙箱, 出發前, 放置到那裡呀 ??
台灣好多車舖成日都有Spare紙箱,要果時,你大可以問佢哋攞
如果怕無箱用,揾定相熟既車舖keep紙箱
咁你地去到台北, 啲紙箱放低左比 giant 店「牙」? 我見你地都係去到邊住到邊, 兩個人, 再搵單車盒入番架單車, 寄回香港, 點都易啲...
我地而家一行八人, 都會先在香港啲單車店, 張羅八個單車盒架喇; 係去到台北, 睇吓係咪可以寄存在第一間客棧到囉, 回程時, 一下子怕在單車店, 搵唔到八個吉盒就麻煩喇。
幾難得又唔易, 先搵到你地個網, 仲係香港人, 去黎冇耐, 新鮮滾熱鬧, 好多野要請教 !
咁你地個車尾架, 馬鞍袋, 係咪都係自家物品帶過去架 ??
想問下, 你地用的單車尾架, 係咪有「三個鎖點」那款, 兩個點近尾轆, 一個點就「cool」在seat通下 ?
知道馬鞍袋容量, 或者可以負重多少kilo, 係咪咁計架 ?
ha, 如果八個人禁多, 要留定啦~
Q:咁你地個車尾架, 馬鞍袋, 係咪都係自家物品帶過去架 ??
A:我地喺淘寶買, 自己帶過去
台灣會貴D,但, 當然會靚D
不過淘寶既, 都夠用, 吾會有乜大問題
Q: 想問下, 你地用的單車尾架, 係咪有「三個鎖點」那款, 兩個點近尾轆, 一個點就「cool」在seat通下 ?
A: 我地果隻係快拆,單點的連接位
不太建議, 因為, 重得滯個架會頂吾順
Q: 知道馬鞍袋容量, 或者可以負重多少kilo, 係咪咁計架 ?
A: 我地無特別留意, 只係睇過個袋個SIZE, 覺得OK就買.
環島,不建議帶多行理
你可以參考我哋個BLOG的一編 "Check List", 可能幫到你
THANKS again !
有睇過你地份行裝 list, 都知道, 一切儘量簡單 / 輕便;
咁你地用的車尾架, 應該就係只扣在 」seat 通」下面, only一個點; 之前見朋友用過, 就係踩踩吓, 個架爛左, 行李包跌左落地 @_@
係呀 , 我地架係單點扣喺坐管下面
吾記得去到第幾日, faith個車架都開始有少少變形 @_@, 好彩最後都挨到全程
如果行理比較多同重既話,比較建議用三點式的啦 (雖然會無禁好睇)
三點式仲有個好處係...可以防止後袋磨到後轆
張貼留言